Pasaiatik doan Jaizkibel eta Uliako Talaia ibilbideak, ala beste era batean esanda, itsasertzetik doan etapa ederrak, hondartzak, senaiak, bideak eta olatuek apurtutako amildegi handiak eskaintzen ditu.
Talaia ibilbidea Bidartetik Donostiara itsaslabarretik doan ibilbide honen Hondarribitik Donostiarainoko tartea, beharbada, ingurune mota anitz gehien eskatzen dituena da, ez Talaia bera ibilbidean bakarrik, baizik eta Euskal Kostaldeko osoan. Guztira 29 kilometro dira etengabe, Pasaiako badia kasuan izan ezik, nahitaez itsasotik egin behar baita pasabidea.
Jaizkibelgo tartea izugarria da. Higadurak moldatutako hareharriak zentzumenetarako oparia diren koloreak eta forma ugari eskaintzen ditu. Victor Hugok berak, bere egonaldian Pasaian, liluratuta geratu zen Jaizkibeletik paseatzen zenean: “Pasaiako mendiek bi bereizgarri dituzte erakargarri egiten dituztenak. Bata, itsasoari so daudela (…) Bigarrena, harehaitzez osaturik daudela. Hareharria, hain zuzen, dagoen harririk jostalari eta forma aldetik bitxiena da (…) Ez dago ezinezko zaion itxurarik, izango ez duen apetarik, ez eta beteko ez duen ametsik; aurpegi guztiak dauzka, keinukera guztiak.” Hondarribia-Pasaia-ibilbideak 21 kilometro eta 781 metroko desnibel metatua ditu, baina hainbat etapatan egin daiteke. Pasaiara jaitsiera apartekoa da, hemen mendiak, aizkora batekin moztuta balitz bezala, fiordo moduko paisai izugarria eskaintzen du, Kantauriko itsaslabarrean ikusezina.
Uliako ibilbidea motzagoa da, baina paisaia anitzekoa. San Pedroko ontziralekuaren ondoan, Mater Ontzi Museoa aurkitzen dugu. Atunontzi honetara sartzeko aukera dago gure arrantzaleen arrantza teknika eta tresnak ezagutzeko, besteak beste. Gure ibilbideari jarraituz, Albaola Faktoriara helduko gara, Ondartxoko ontziola zaharrean kokatu. Bertan, bisitariak XVI. mendeko San Joan baleontziaren historia ezagutu ahal izango du, eta are gehiago, bere berreraikuntza zuzenean. Pasai San Pedrotik ia-ia bertikala da Platako farolaraino (XIX m.) igoera, baina harrian landutako eskailerei esker nahiko eroso egiten da. Hemen paisaia polita baino politagoa da. Farolatik aurrera oso bide atsegina dugu, oso gorabehera goxoak eta sorpresa handiak, besteak beste, uretako bideak deitutakoak, hainbat akueduktu eta XIX mendean eraikitako hainbat tunelekin. Pixkanaka- pixkanaka, txilarren, iratzeen eta haginen artean aurrera eginez, Donostiara iristen da, baina ez lehenago Monpas puntako begiratoki bikainean geldialdia egin gabe,
Informazio gehiago:
Pasaiako turismo bulegoa
943 341 556
www.oarsoaldeaturismoa.eus
