Itsasoaren oroimena erakusketa eta jarduerak
Urriaren 1etik 31ra bitartean, Pasaiako Lonjan egingo den Itsasoaren Oroimena erakusketaren baitan, itsas kulturarekin eta ondarearekin lotutako hainbat jarduera antolatu dira. Arrantzaren, nabigazioaren eta itsas tradizioen inguruko ezagutzak partekatzeko aukera paregabea izango da.
Urriak 6- Saregileen tailerra: Hondarribiko saregileekin
Ordutegia: 17:00-18:30 eta 18:30-20:00
Plazak: 9 pertsona txandako
Hondarribiko saregileen eskutik, euskal arrantza-kulturarekin estuki lotutako ogibide tradizional bat ezagutzeko aukera. Sareak nola konpontzen diren ikasi eta ogibide honek gordetzen dituen jakintzak eta istorioak ezagutuko ditugu.
Urriak 10- Arte al agua dokumentala eta solasaldia
Ordua: 18:00
Ternuara eta Groenlandiara bakailao arrantzara joandako euskal eta galiziar arrantzaleen bizipenak jasotzen dituen dokumentalaren emanaldia. Proiekzioaren ondoren, solasaldi irekia izango da bertaratutakoekin.
Urriak 20- Itsas korapiloen tailerra
Ordua: 18:00
Ramón Lijó, Pasaiako Blas de Lezo Itsas Eskolako irakasleak, itsas munduan ohikoenak diren korapiloak eta haien erabilerak erakutsiko ditu tailer praktiko honetan.
Urriak 29 – Itsas kartak interpretatzeko tailerra
Ordua: 18:00
Itsas kartak irakurtzen eta interpretatzen ikasteko saioa. Sinboloak, eskalak, sakonerak eta nabigazioaren oinarrizko kontzeptuak ezagutuko dira modu praktiko eta atseginean.
